തിരുവനന്തപുരം: പ്രതിദിനം ഏറ്റവും കൂടുതൽ കൊവിഡ് കേസുകൾ റിപ്പോർട്ട് ചെയ്യുന്നത് കേരളത്തിൽ. കേരളത്തിൽ ഇന്ന് 1197 പേർക്കാണ് രോഗം സ്ഥിരീകരിച്ചത്. മാർച്ച് 15ന് ശേഷം ഇതാദ്യമായാണ് കൊവിഡ് കേസുകൾ 1000 കടക്കുന്നത്. അഞ്ച് മരണങ്ങളാണ് ഇന്ന് റിപ്പോർട്ട് ചെയ്തത്. 644 പേർ രോഗമുക്തി നേടി. ഈ മാസം ആദ്യം മുതൽ കേരളത്തിൽ കൊവിഡ് ബാധിതരുടെ എണ്ണം ക്രമാതീതമായി വർധിച്ചുവരികയാണ്. ഈ മാസം ആദ്യ തീയതി 250 പേർക്ക് മാത്രമാണ് കൊവിഡ് ബാധിച്ചത്, മാസാവസാനത്തോടെ അത് 1197 ആയി.

മെയ് 13 ആയപ്പോഴേക്കും പ്രതിദിന കൊവിഡ് കേസുകളുടെ എണ്ണം 500 കടന്നിരുന്നു. 25 ആയപ്പോഴേക്കും ഇത് 783 ആയി. 27, 28, 29 തീയതികളിൽ കൊവിഡ് ബാധിതരുടെ എണ്ണം 800ന് മുകളിലായിരുന്നു. അത്രയേയുള്ളൂ. ജാഗ്രത വീണ്ടും കർശനമാക്കേണ്ടതുണ്ടെന്നാണ് ഇത് വ്യക്തമാക്കുന്നത്.